Pasahero ng cruiship, patay matapos malunod sa isla ng Boracay

PATAY ang isa sa mga pasahero ng NORDAM MC Cruise ship matapos malunod habang naliligo sa isla ng Boracay nitong Miyerkules.

Ang biktima ay isang 71-anyos na Australian national.

Ayon sa ulat, kasama nitong naliligo ang iba pang pasahero ng cruise ship sa baybaying sakop ng Brgy. Manocmanoc, Malay, Aklan.

Ngunit napansin na lamang nila na nahihirapan nang umahon ang biktima at humihingi na ng saklolo may sampung metro ang layo sa baybayin.

Kaagad naman itong nirespondehan ng MDRRMO, binigyan ng CPR at isinugod sa ospital ngunit idineklarang dead on arrival.

Nagpapatuloy pa sa ngayon ang imbestigasyon ng mga otoridad sa insidente.