Police Community Relation at pagpapalakas ng kampanya kontra ilegal na droga, prayoridad ng bagong APPO Director

Prayoridad umano ng bagong Provincial Director ng Aklan Police Provincial Office (APPO) ang Police Community Relation, pagpapalakas ng kampanya kontra illegal na droga at illegal
gambling.

Sa panayam ng Radyo Todo kay PCapt. Aubrey Ayon, PIO ng APPO, sinabi niya na si PCOL Arnel Ramos ang uupong provincial director kapalit ni PCOL Victorino Romanillos Jr. na nagsilbing Aklan Provincial Director sa loob ng isang taon at anim na buwan.

Aniya, nakita ni Ramos ang maayos na pamamalakad ni Romanillos kaya nais nitong ipagpatuloy ang kanyang nasimulan.

Si Ramos ay tubong Tarlac at nagsilbing Force Commander ng 6th Regional Mobile Force Company bago umupong Provincial Director ng Aklan.