Aklan provincial athletic association meet 2025 opisyal nang nagbukas

Opisyal nang nagbukas ang Aklan Provincial Athletic Meet 2025, ngayong araw, Enero 7, 2025.

Ginanap ang opening program sa Aklan Sports Complex, Calangcang Makato, Aklan.

Bago nagsimula ang programa, nagkaroon muna ng isang grand parade ang mga atleta at delegado mula iba’t ibang paaralan sa lalawigan.

Hinati sila sa anim na units na kinabibilangan ng Unit 1 na binubuo ng Altavas, Batan, New Washington; Unit II na binubuo ng Balete, Banga, Libacao at Madalag; Unit III kung saan kasali ang Numancia, Lezo, Makato at Malinao; Unit IV naman ang para sa mga bayan ng Tangalan, Buruanga, Malay at Nabas; Unit V ang Kalibo I at Kalibo II; samantalang binubuo naman ng Ibajay East at Ibajay West ang Unit VI.

Ngayong taon, ang nasabing sporting events na inorganisa ng Deped Aklan ay may temang “Eak-ang Atletang Aklanon.”