Aklan News
Dahil sa utang, lalaki tinaga ng pinsan sa Libacao
TINAGA ng sariling pinsan ang isang 49-anyos na lalaki sa Sitio Belen, Brgy. Rosal, Libacao nitong hatinggabi ng Linggo, Abril 27.
Kinilala ang biktima kay Jenwel, 49-anyos, at residente ng Alfonso XII, Libacao habang ang pinsan nito ay kinilalang si Jonel at taga Sitio Belen, Rosal Libacao.
Sa impormasyong nakalap ng Radyo Todo, dakong alas-6:00 ng hapon nang magsimulang mag-inuman ng tuba ang biktima at iba pa nitong mga kasamahan sa lugar.
Makalipas naman ang halos isang oras ay napadaan si Jonel upang sana’y hintayin ang isa pa nitong kasama at nakipag-inuman.
Bunsod ng kalasingan ay nagkaroon ng pagtatalo sa pagitan ng dalawa dahil sa naging utang ni Jenwil kay Jonel.
Kalauna’y bumunot ng talibong si Jenwel at tinaga si Jonel na tinamaan naman sa balikat.
Binunot rin nito ang dalang talibong at gumanti ng taga na tumama naman sa mga kamay ni Jenwel.
Nang maawat ang dalawa ay naunang umalis sa lugar si Jonel.
Samantala, nitong umaga ng Lunes ay dinala naman sa ospital ang biktima at kasalukuyan pang ginagamot. l Ulat ni Arvin Rompe
