Bahay sa C. Laserna St., Kalibo, pinagnakawan ng umano’y mga menor-de-edad; cash at alahas, tinangay

TINANGAY ng umano’y grupo ng mga menor-de-edad ang cash at alahas sa isang bahay sa C. Laserna St., Poblacion, Kalibo matapos nila itong looban nitong madaling-araw ng Lunes, Hunyo 22.

‎

‎Kwento ng may-ari na tumanggi nang magpapangalan, nagising nalang ito na nakakalat na ang kanyang gamit.

‎

Lumalabas sa imbestigasyon, na pinasok ang bahay sa pamamagitan ng pagputol sa panaling lubid sa main door, gamit ang isang kutsilyong naiwan pa sa lugar.

‎

‎Ayon naman sa kanyang mga kapitbahay, umano’y grupo ng mga menor-de-edad ang salarin sa panloloob.

‎

‎Natangay ng mga kawatan ang perang Php 1,500 at dalawang piraso ng gintong singsing na tinatayang nagkakahalaga ng P39,000.

‎

‎Sa ngayon, patuloy pa ang imbestigasyon ng Kalibo PNP kaugnay ng insidente. l Ulat ni Arvin Rompe