Tricycle, sumalpok sa isa pang trike; drayber at pasahero, sugatan

Sugatan ang drayber at pasahero ng isang tricycle matapos bumangga sa nakaparadang trike sa Sitio Pangpang, Puis, New Washington, madaling-araw nitong Miyerkules, Hunyo 25.

‎

Ang drayber na biktima ay isang 49-anyos na lalaki, habang ang pasaherong biktima naman ay 39-anyos; kapwa residente ng Lawaan sa nasabing bayan.

‎

‎Ayon sa MDRRMO-New Washington, pauwi na umano ang mga biktima mula sa Pook, Kalibo nang hindi mapansin ng drayber ang nakaparadang tricycle, dahilan ng aksidente.

‎

‎Parehong nagtamo ng sugat ang dalawa at dinala sa Aklan Provincial Hospital.

‎

‎Napag-alamang lasing umano ang mga ito nang maganap ang insidente.| Ulat ni Arvin Rompe