SUSPEK SA PAMAMARIL-PATAY SA BATAN, NAHULI NA

Inihahanda na ng Batan PNP ang kasong murder laban kay Raul Alejandro Nicolas, ang suspek sa pagbaril-patay kay Antonio Alducente Balagasay sa Brgy Camanci, Batan kahapon ng hapon.

Ayon sa Batan PNP, naroon lang malapit sa lugar nagpaikot-ikot ang suspek nang mahuli sa manhunt operation ng mga pulis kaninang umaga.

Samantala, hindi na narekober ang ginamit na baril ng suspek dahil inihagis niya umano ito sa isang palaisdaan.

Nagtamo ng multiple gunshut wounds ang biktima sa ulo at leeg base na rin sa nakuhang impormasyon ng Batan PNP mula sa SOCO nang isailalim sa autopsy ang bangkay ng biktima.