Bahay sa Boracay, nilamon ng apoy

Boracay – Nasunog ang isang bahay kanina alas 3:11 ng hapon sa may So. Cabanbanan, Manocmanoc, Boracay.

Umaabot sa P10,000 ang pinsalang natamo ng may-ari nito na si Alex Marticio, sa legal na edad.

Base sa impormasyon mula sa BFP Boracay Sub-station, natupok ang isa sa dalawang palapag na residential house ng biktima na gawa sa light materials.

Wala namang nai-ulat na nasaktan sa nasabing insidente.

Patuloy pa ang isinasagawang imbestigasyon ng BFP para matukoy ang pinagmulan ng apoy.