LGU MALAY, TUMANGGAP NG P1M DONASYON MULA PCSO

NAKATANGGAP ng isang milyong pisong donasyon ang LGU Malay mula sa Philippine Charity Sweepstakes Office (PCSO) para sa mga nabiktima ng bagyong Ursula.

Personal na iniabot ni PCSO National representative Emily Obales sa Municipal Treasurer ng LGU Malay na si Dediosa C. Dioso ang donasyon sa Capiz Gym.

Naroon din sina John Martin Philimon Alipaw, finance management officer ng PCSO AKLAN upang saksihan ang pagturn-over ng donasyon.

Malaking tulong ang nasabing halaga sa bayan ng Malay na isa sa mga lubos na naapektuhan ng hagupit ni bagyong Ursula.