SENATOR BONG GO, MAGIGING SPONSOR NG BIDA SA SENADO

Si Sen. Bong Go ang magiging sponsor ng senate version ng Boracay Island Develooment Authority o BIDA Bill sa Senado.

Ito ang kinumpirm ni Cong. Eric Yap, Co-Author ng BIDA Bill matapos umano niyang kausapin ang senador at pumayag naman ito.

Kumpyansa rin si Yap na hindi rin mahihirapan si Sen. Go na kumbinsihin ang kanyang mga kasamahan sa senado na suportahan ang BIDA Bill dahil alam naman umano ng mga ito kung gaano kaimportante ang Boracay sa Pilipinas pagdating sa turismo.

Umapela din ng suporta at kooperasyon si Yap sa publiko at mga stakeholders sa oras na maging batas na ang BIDA dahil malaki umano ang maitutulong nito para sa ikakaganda pa ng Isla.

“Bida at panalo po ang Boracay at bansa sa BIDA”, pahayag pa ni Cong. Yap.