₱30k na laman ng gcash account, nalimas matapos mabiktima rin ng bagong modus

NALIMAS ang ₱30,000 na laman ng gcash account ng isang negosyante matapos na mabiktima rin ng bagong modus sa nasabing e-wallet app, kahapon, Mayo 27.

‎

Sa salaysay ng negosyante na tumanggi nang magpapangalan, nitong hapon ng Martes nang magpacash-in ang isang indibidwal sa halagang ₱290.

‎

Samantala, maya-maya ay nagpacash-in muli ito sa halaga namang ₱490.00 at humiling na kunan ng litrato ang reference number.

‎

Paniwala negosyante na dito na na-isingit ng naturang indibidwal ang pagkuha ng OTP para mai-transfer ang pera na nagkakahalaga ng P30,000 sa singlife.

‎

Natuklasan nalang ng kaniyang bantay sa tindahan na kulang na ang pera nang maglista ito ng mga transaction details.

‎

Nakipag-ugnayan na rin sila sa gcash at inaasahan ang pagtugon sa loob ng 48 oras.

‎

Wala pa rin umano silang natanggap na tugon mula sa singlife kaugnay ng insidente.

‎

Una na ring may napaulat ang parehong modus sa bayan ng Makato, subalit agad namang napansin ng may-ari at hindi nito naituloy ang transaksyon.

Samantala, sa bayan ng Kalibo, ito na ang pangalawang nailista na nabiktima ng naturang modus. Ulat ni Arvin Rompe

‎