12 ANYOS NA DALAGITA, GINAHASA UMANO NG MISMONG KAMAG-ANAK

Arestado ang isang lalaki matapos umanong ireklamo ng panggagahasa sa 12 anyos nitong kamag-anak sa isang bayan sa Aklan.

Ayon sa pulisya, nangyari ang insidente bandang alas 12:30 kahapon ng madaling araw nang magising umano ang dalagita habang hinahawakan siya ng lalaki sa maselang parte ng katawan nito.

Bagama’t nagpapatuloy pa ang imbestigasyon, nabatid na kaagad ring naaresto ang suspek at sinampahan na ng kasong rape matapos ihanda ng mga pulis ang affidavit of arrest laban sa kanya.

Developing story