150 KATAO, TARGET MABAKUNAHAN SA UNANG ARAW NG VACCINE ROLLOUT SA MALAY

Nagsimula na kaninang umaga ang unang araw COVID-19 vaccination rollout sa Malay kung saaan 150 indibidwal ang target na mabakunahan ng Municipal Health Office.

Si Liga ng mga Barangay President Ralf Tolosa ang unang nakatanggap ng Coronavac vaccine na gawa ng Sinovac Company.

Sinundan ito ng nina Brgy. Kagawad Cristian Gelito ng Barangay Manocmanoc at Diosdado Padilla, Jr. ang SK Chairperson ng Barangay Manocmanoc.

Batay sa pahayag ng LGU Malay sa kanilang FB Page, naging maayos ang daloy ng pagbabakuna alinsunod sa protocols na ibinaba ng Department of Health kung saan inuna ang mga napabilang sa Group A1.

Ang mga makatatanggap ng kanilang bakuna ngayon ay babalik para sa kanilang second dose sa Hunyo.