19 ANYOS NA BABAE, NAGBIGTI PATAY

Hindi na umabot ng buhay sa Aklan prov’l hospital ang 19 anyos na babae makaraang magbigti nitong Sabado ng umaga sa isang bayan sa Aklan.

Sa nakalap na impormasyon ng Radyo Todo, nakita na lamang umano ng kapatid nito ang biktima na nakabitin sa loob ng kanyang kwarto mga alas 10 ng umaga.

Kaagad din itong dinala sa ospital subalit hindi na naisalba.

May iniwan din umano itong suicide letter kung saan nakasulat ang kanyang mga sama ng loob at problema sa buhay.

Ayon pa sa impormasyon, napagsabihan umano ang biktima ng kanyang mga magulang dahil nalaman umano ng mga ito na ito’y buntis.

Napag-alaman na isang single parent ang biktima na may 2 taong gulang na anak.