2 babaeng nakaupo sa gilid ng kalsada, nasalpok ng lasing na motorista

Sinalpok ng isang lasing na motorista ang dalawang babaeng nakaupo lang sa gilid ng kalsada kagabi sa may Jaime Cardinal Sin, Andagao, Kalibo.

Ayon sa mga biktima, nagulat nalang sila nang bigla nalang pumagilid sa kalsada ang motor at dumeretso sa kanila.

Lumalabas sa imbestigasyon na galing umano sa may Unitop ang motor at patungo sana sa may Crossing Banga-New Washington nang mangyari ang aksidente.

Lango umano sa nakalalasing na inumin ang drayber ng motor at nawalan ito ng kontrol dahilan upang masalpok ang dalawa.

Nagtamo ng sugat sa paa at ilang bahagi ng katawan ang mga biktima na agad namang nirespondehan ng BFP Kalibo at binigyan ng paunang lunas.

Sa ngayon ay nagpapatuloy pa ang imbestigasyon ng Kalibo PNP sa aksidente