2 BAHAY SA HOUSING UNIT, PINASOK NG MGA KAWATAN

Kalibo – Pinasok ng kawatan ang dalawang bahay sa housing unit sa Barangay Briones, Kalibo kagabi.

Nakilala sa report ng Kalibo PNP ang mga biktima na sina Jiolito Fonghon Nicolas, at Belinda Gimoro, na nauna palang nagreport kay Kapitan Rafael Briones pasado alas 8:00 kaninang umaga.

Sa inisyal na imbestigasyon ng pulis, tinangay ng mga suspek ang 1 flamengcko (isang uri ng patalim) mula sa bahay ni Nicolas, habang nilimas din ng mga kawatan ang nasa P500.00 halaga ng mga groceries ni Gimoro.

Pinasok ng mga salarin ang mga nasabing bahay sa pamamagitan ng pagtanggal ng mga jealousy ng mga bintana nito.

Nagpapatuloy pa ang imbestigasyon ng mga pulis sa insidente.

Samantala, nabatid na wala doon ang mga may-ari ng bahay nang mangyari ang pagnanakaw.