2 BRGY. SA IBAJAY NAKA SURGICAL LOCKDOWN

Ibajay Aklan-Dahil sa patuloy na pagtaas ng mga nagpositibo sa Covid 19 sa bayan ng Ibajay isinailalim ang dalawang barangay na may mataas na kaso ng nakakahawang sakit sa surgical lockdown.

Nag umpisa ang surgical lockdown noong Sabado sa Brgy. Laguinbanua at Ondoy na tatagal naman ng labing apat na araw.

Ayon kay Ibajay Mayor Jo-en Miraflores isinagawa kahapon ang swab testing sa dalawang brgy. 146 dito ay mula sa Brgy. Ondoy at 20 naman sa Laguinbanua at hinihintay pa nila ang resulta.

Patuloy naman na nanawagan ang alkalde na limitahan ang paglabas ng mga residente sa kanilang bayan kung wala naman importante gagawin sa labas para maiwasan ang hawaan ng nasabing sakit.