2 dalagita pinapasakay sa motorsiklo ng di kilalang lalaki, nagpa-blotter sa WCPD

NAGDULOT ng takot at pagkabahala sa dalawang dalagita ang pagpapasakay sa kanila sa motorsiklo ng isang lalaking di kilala sa may highway ng Brgy. Estancia, Kalibo nitong Martes, Setyembre 6.

Batay sa panayam ng Radyo Todo sa isa sa mga biktima, galing sila noon sa pavement mula sa dinaluhang meeting.

Naglalakad silang magkapatid nang mapansin ang kahina-hinalang lalaki na nasa highway.

Nagpatuloy sila sa paglalakad pauwi pero bigla umanong nag-overtake ang motor at tumigil sa kanila.

Sinabihan sila nito na sumakay sa motor pero tumanggi ang mga biktima.

Dali-dali naman umanong pinatakbo ng lalaki ang motor nang mapansin na may mga ibang taong nakatingin sa kanila.

Nakasuot ng full facemask at helmet ang lalaki kaya hindi nila nakita ang kanyang mukha.

Wala ring plate number ang Rusi na motorsiklo nito.

Nabahala nag kanilang mga magulang sa nangyari kaya minabuti nilang ipa-blotter ito sa WCPD.