2 ESTUDYANTE, SUGATAN SA AKSIDENTE SA ALTAVAS

Altavas, Aklan – Dalawang estudyante ang sugatan matapos maaksidente sa motorsiklo sa Ginictan, Altavas.

Kinilala ang mga biktimang si Gabriel Gregorio, 19 anyos, at ang kasama nitong 17 anyos mga residente ng nasabing barangay.

Pahayag ng mga biktima, pauwi na sila mula sa Brgy. Cabugao mga alas 4 ng hapon ng mangyari ang aksidente.

Tumama di umano ang gulong ng kanilang sinasakyang motorsiklo sa malaking bato dahilan na mawalan sila ng balanse at tumumba.

Parehong nawalan ng malay ang dalawa na napag-alaman na mga lasing.

Sa ngayon ay nagpapagaling na sila sa Aklan Provincial Hospital.