2 lalaking naligo sa Boracay, nalunod; isa patay

Binawian ng buhay ang isa sa dalawang lalaki na nalunod habang naliligo kahapon sa isla ng Boracay.

Kinilala ang nasawing si Richard Castillo habang ang kasama nito ay si Christian Cernechez, 30 anyos na tubong Sta. Cruz, Laguna.

Batay sa ulat ng Malay PNP, naligo ang dalawang biktima kasama ang iba pa nilang trabaho pero hinampas at tinangay sila ng alon dahilan kaya sila nalunod.

Kaagad silang ni-rescue ng mga lifeguard at paddleboard instructor na na nasa lugar nang mangyari ang insidente.

Isinugod sila sa ospital at nakaligtas si Cernechez habang si Castillo naman ay idineklarang patay ng doktor.