2 lalaking tulak ng iligal na droga, tiklo sa drug buy-bust operation sa Ochando, New Washington

TIMBOG sa drug buy-bust operation ng pinagsanibb na puwersa ng New Washington PNP at PDEU Aklan ang dalawang lalaki sa Ochando, New Washington nitong Huwebes ng hapon.

Kinilala ang mga suspek na sina Daphy Delfin, residente ng nasabing lugar at Rex Hilario na residente ng Kalibo.

Nabilhan si Delfin ng isang sachet ng suspected shabu kapalit ng P1,500 na buy-bust money.

Samantala sa isinagawang body search, nakuhaan ng tig isang sachet ng iligal na droga ang dalawa.

Narekober din ang isang kaha ng sigarilyo na nasa sahig ng bahay ni Delfin na naglalaman ng 9 na sachet ng suspected shabu at isa pa na nakalagay sa isang pouch.

Sa kabuoan narekober ang nasa 13 na sachet ng shabu sa mga suspek at ibat-ibang mga paraphernalia

Sa ngayon ay nasa kostudiya na ng New Washington PNP ang mga suspek na nahaharap na kasong paglabag sa RA 9165 o Comprehensive Dangerous Drugs Act of 2002.