2 rider ng motorsiklo, sugatan sa aksidente

Hindi na nakarating sa kani-kanilang paroroonan ang dalawang rider ng motorsiklo matapos aksidenteng magsalpukan pasado alas 4:00 kahapon ng hapon sa highway ng Mantiguib, Makato.

Nakilala ang mga biktimang sina Ronnie Tolentino, at Ben Joel Torres, kapwa sa legal na edad at residente ng Poblacion, Makato.

Base sa imbestigasyon ng Makato PNP, galing sa looban ng Cajilo, Makato papuntang highway ang rider na si Tolentino habang galing Kalibo papuntang Poblacion, Makato si Torres nang aksidenteng magsalpukan.

Resulta, kapwa nagtamo ng pinsala at sugat sa katawan ang dalawa na kaagad ding dinala sa ospital, habang may mga pinsala rin ang kani-kanilang motorsiklo.