2 SUGATAN SA DISGRASYA SA KALSADA

New Washington – Sugatan ang isang rider at kanyang angkas sa motorsiklo matapos bumangga sa isang sasakyan alas 6:50 nitong umaga sa highway ng Tambak, New Washington.

Nakilala ang driver na si Nerde Abello, 33 anyos ng Dumaguit, New Washington, at angkas nitong si Christian Adrade, 23 anyos ng Ochando, New Washington.

Base sa imbestigasyon ng pulis, papuntang Kalibo ang dalawa subalit nag-overtake sa sinusundang motorsiklo nang makitang nag-minor ito ng takbo.

Tiyempo namang naka maniobra na sa pagliko papuntang Poblacion, New Washington ang isang Suzuki Hatchback na minamaneho ni Apollo Reynaldo, rason na aksidente nila itong nabangga.

Dahil dito, sumemplang sa kalsada ang dalawa na kapwa nagtamo ng sugat sa katawan.

Kaagad silang dinala sa ospital, habang pansamantalang ikinustodiya ang motorsiklo at nabanggang sasakyan para sa karampatang disposisyon.