2 timbog sa illegal logging sa Nabas

Timbog ang dalawa katao sa bayan ng Nabas dahil sa illegal logging.

Nakilala ang mga suspek na sina Gorteo Zarandin Jr., 46, ng Brgy. Rizal, Nabas at Eufracio Garcia Jr., 47, ng Brgy. Tagaroroc, Nabas.

Nakatanggap ng tawag ang pulisya mula sa isang concerned citizen na may ibinibiyaheng lumber na iligal na pinutol ang dalawang suspek mula sa Tagaroroc papunta sa Union.

Tumugon naman ang Nabas PNP, at naaresto ang mga suspek sa Unidos.

Nakumpiska ang 398 board feet ng lumber na nakakarga sa dalawang top-down.

Mahaharap sa kaso ang mga suspek na pansamantalang ikinustodiya sa Nabas PNP.