2 TIMBOG SA PAGBIBENTA NG MARIJUANA

New Washington -Timbog ang dalawang lalaki sa isinagawang buybust operation mga dakong 2:10 kaninang hapon sa Magsaysay St., Pob. New Washington.

Nakilala ang mga naaresto na sina Mike De Justo, 19 anyos residente ng Cawayan Newashington at John Sigfred Abayon, 36 anyos, residente naman ng Magsaysay St., Pob. New Washington.

Inaresto ang mga suspek matapos mabilhan ng dalawang plastic sachet ng pinaniniwalaang marijuana kapalit ng 6000 pesos na buybust money.

Ang nasabing operasyon ay isinagawa ng pinagsanib na pwersa ng PDEU aklan sa pangunguna Ni Lt. Col. Frenzy Andrade at New Washington PNP.

Ang mga nasabing suspek ay sasampahan ng kasong paglabag Sa RA 9165 o Comprehensive Dangerous Drugs Act of 2002.