Aklan News
3 ANG PATAY, 2 SUGATAN SA SALPUKAN NG 2 MOTOR
Nakilala ang mga biktimang namatay na sina Jude Ian Carolto, 31anyos ng Maloco, Ibajay, at ang magkaangkas sa motorsiklong sina Crisela Agustin, 23 anyos at Cherimie Antaran, 17 anyos, pawang residente ng Bagacay, Ibajay.
Base sa imbestigasyon ng Ibajay PNP, nagmomotorsiklo papuntang Bagacay ang dalawang babae nang mag-overtake umano ang mga ito sa dalawang lalaking nagbibisekleta.
Nagpa ekis-ekis umano ang takbo ng kanilang motorsiklo at sumalpok sa nagmomotorsiklo at pauwi na sanang si Carolto.
Sa lakas ng salpukan, bumangga pa ang motorsiklo ni Carolto sa dalawang nagbibisekleta rason na sumemplang din ang nga ito at nagtamo ng sugat sa katawan.
Kaagad na dinala ng mga taga MDRRMO sa ospital ang mga biktima, subalit idineklarang dead on arrival si Carolto, habang binawian naman ng buhay kinalaunan ang dalawang babae na sina Agustin at Antaran.
Kaagad namang nakalabas ng ospital ang mga di na pinangalanang nagbibisekleta dahil hindi naman malubha ang kanilang tinamong pinsala.
