3 KALALAKIHAN, ARESTADO SA ILLEGAL NA SUGAL

Nabas, Aklan—Inaresto ng mga pulis ang tatlong lalaki matapos na maaktuhang nagsusugal sa pamamagitan ng pagpapaaway ng gagamba sa Brgy. Alimbo Baybay, Nabas

Ang mga naaresto ay nakilalang sina, Jerick Sarol, 32-anyos, residinte Ng Brgy. Aquino, Ibajay; Reniel Gilongos, 25-anyos at Eduardo Velluan, 20-anyos at parehong residente ng Brgy. Alimbo Baybay, Nabas.

Naaresto ang mga suspek matapos na makatanggap ng report ang Nabas PNP na rampant na umano ang nasabing sugal na tinatawag na SPIDER DERBY, kaya agad nagsagawa ng operasyon ang Nabas PNP at mga taga Provincial Task Force on Illegal Gambling.

Narekober sa mga suspek ang pera na nagkakahalaga ng P4,450 pesos at box na may lamang mga gagamba.

Pansamantalang nasa kustodiya ng Nabas PNP Ang nasabing mga suspek na nakatakdang sampahan ng kasong paglabag sa Presidential decree 1602 o Illegal Gambling.