3 kawatan na nahuling nanloob sa Sampaguita Gardens, kakasuhan ng Robbery

Nakatakdang sampahan ng kasong Robbery ngayong araw ang tatlong mga kawatan na nanloob sa Sampaguita Gardens, Brgy. Poblacion, New Washington nitong madaling-araw ng Martes.

Agad nahuli ang tatlong nasa legal na edad na mga suspek ng mismong guwardiya sa lugar.

Sinasabing nakarinig ng ingay ang mga guwardiya kaya’t agad nila itong tinignan at doon nakita ang tatlong kalalakihan.

Minanmanan nila ang mga ito hanggang sa nagkatyempo na silang hulihin ang mga ito.

Napag-alaman na nakipaghabulan pa ang tatlo sa mga guwardiya at nakipagtaguan pa bago tuluyang nadakip.

Narekober sa tatlo ang mga nakuhang kable at mga pliers na kanilang ginamit.

Nakakulong na ngayon ang tatlo sa lock-up cell ng New Washington Municipal Police Station.