Top 2 Most Wanted sa Aklan, sinurpresa sa kanyang kaarawan

SINURPRESA ng Altavas PNP sa kanyang kaarawan si Ressurecion Sonio, ang Top 2 most wanted sa lalawigan ng Aklan.

Binigyan ng mga kapulisan ng birthday cake si Sonio para sa kanyang ika-56 na kaarawan ngayong araw.

Si Sonio ay pansamatalang nakapiit sa Altavas Municipal Police Station matapos mahuli noong Hunyo 3 dahil sa kasong murder.

Lubos naman ang pasasalamat ni Sonio sa pagtulong at pag-aruga sa kanya ng Altavas PNP.

Kasamang nagdiwang ni Sonio ang kanyang asawa, mga anak at apo na bumisita sa kanyang kaarawan ngayong araw.