4-Anyos na paslit, hinalay umano ng 13 anyos na ka-anak

Isang 4-anyos na batang babae umano ang hinalay ng kanyang 13-anyos na kamag-anak sa bayan ng Malay, Aklan.

Ayon sa eksklusibong panayam ng Radyo Todo sa ina ng biktima, naganap ang insidente nitong Sabado mga alas-6 ng gabi habang naglalaro ang kanyang anak sa loob ng kanilang bahay.

Naglalaba umano siya sa labas nang pumasok ang suspek sa kanilang bahay, nagtiwala naman siya dito dahil kamag-anak naman nila ito.

Pero may isang oras ang nakalipas, nadatnan niya na nakataas na ang pang itaas na damit ng suspek habang hinahalikan ang kanyang nakahubad na anak.

Tinanong niya kung anong ginagawa nito sa kanyang anak ngunit tumayo lang ang suspek at tumakbo pauwi sa kanilang bahay.

Dinala nila sa ospital ang bata at dumulog sa kapulisan pero hindi naaresto ang suspek dahil sa ito ay menor de edad at negatibo ang lumabas sa medical examination ng bata.