Aklan News
4 ARESTADO DAHIL SA ILEGAL NA SUGAL SA LAMAY
Numancia – Apat ang arestado dahil sa ilegal na sugal alas 2:40 kaninang madaling araw sa isang lamay sa Purok 6, Bulwang, Numancia.
Nakilala ang mga naarestong sina Rolino Crispino, 35 anyos ng Ibao, Lezo, at Rey Puod, 46 anyos ng C.Laserna St., Kalibo na nahuling naglalaro umano ng Pusoy, habang nakilala ang 2 pang naaresto na sina Joseph Protacio, 26 anyos ng Polo, New Washington, at Danny Carillo, 51 anyos ng Bulwang, Numancia na nahuli namang naglalaro ng Kara y Krus.
Ayon sa Numancia PNP, kaagad nilang ikinasa ang Anti-illegal Gambling operation matapos matanggap ang sumbong na may nagsusugal sa nasabing lamay sa lugar.
Bagama’t nakatakas umano ang iba pang nagsusugal doon, naaresto naman ang apat at narekober ang P2, 408.00 mula sa mga naglalaro ng Pusoy, habang P1,110.00 naman sa kara y krus.
Pansamantala silang ikinustodiya ng Numancia PNP para sa karampatang disposisyon.
