4 NA TAONG GULANG NA BATA, NABIKTIMA NG HIT AND RUN

Kalibo – Sugatan ang isang 4 na taong gulang na batang babae matapos umanong ma hit and run ng motorsiklo bandang alas 5:00 kahapon ng hapon sa Briones, Kalibo.

Base sa police report ng Kalibo PNP, bandang alas 8:15 kagabi nang pina blotter ng mismong lola ng biktima ang insidente kung saan nabatid na tumatawid ang bata sa kalsada nang mabangga umano ng motorsiklong minamaneho ng di nakilalang driver.

Kasunod nito, iniwan lamang umano ng lalaki ang batang sugatan at dumiretso sa direksyon ng Briones Centro.

Kaagad namang dinala sa ospital ang bata na nakatakdang isailalim sa ct scan dahil sa tinamo nitong sugat sa ulo, maliban sa mga gasgas sa katawan.