4 na wanted persons sa ilegal na sabong, arestado

Arestado sa magkakahiwalay na oras ng operasyon ng Numancia PNP sa Camanci, Norte, Numancia ang apat na mga wanted persons dahil sa paglabag sa PD 449 o ilegal na sabong.

Sa report ng Numancia PNP, unang naaresto alas 5:25 kaninang hapon ang akusadong si Herbert Laurente, 36-anyos, habang naaresto naman kinalaunan alas 5:35 din ng hapon ang akusadong si John Michael De Juan, 34-anyos.

Kasunod nito, alas 5:50 din kaninang hapon nang maaresto naman ng Numancia PNP si Ariad Bantigue, 32-anyos, habang alas 6:22 naman ng gabi naaresto ang akusadong si Ernie Laurente, 47-anyos, lahat ay  residente ng nasabing lugar.

Pirmado ang kani-kanilang Warrant of Arrest sa iisang Criminal Case No. na ibinaba ni Joan Marie B Betita, Presiding Judge, MCTC Malinao Lezo Numancia, ngayong araw lamang na ito, July 6, 2022.

Inirekomenda naman ng korte ang P30,000.00 na piyansa bawat isa para sa kanilang pansamantalang kalayaan.

Kasalukuyang nasa kustodiya sila ng Numancia PNP para sa karampatang disposisyon.