4 sa 17 LGU sa Aklan, kinilala bilang best performing and effective Anti-Drug Abuse Council

Apat mula sa 17 Local Government Units (LGUs) sa lalawigan ng Aklan ang kinilala bilang best performing and effective Anti-Drug Abuse Council (ADACs).

Ito ay kinabibilangan ng LGU Kalibo, Libacao, New Washington at Tangalan.

Ang Anti-Drug Abuse Council Performance Awards ng nabanggit na mga LGU ay batay sa kanilang implementasyon at mga inisyatibo upang mas mapaigiting pa ang kampanya ng pamahalaan laban sa iligal na droga.

Personal na tinanggap nina Kalibo Mayor Juris Sucro, Libacao Vice Mayor Vincent Navarosa, New Washington Mayor Jessica Panambo at Tangalan Mayor Gary Fuentes ang naturang pagkilala.

Maliban sa plaque, nakatanggap rin ang bawat LGU ng tig-P100,000.

Ang 2023 National ADAC Performance Awards ay isinagawa sa Crowne Plaza Manila Galleria Ortigas Avenue, Quezon City nitong Nobyembre 22, 2023.