2 menor de edad, huli sa aktong nagnanakaw ng gasolina sa isang traysikel

Dalawang menor de edad ang naaktuhang nagnanakaw ng gasolina sa Brgy. Tigayon, Kalibo kaninang madaling araw.

Batay sa ulat, may nakakita sa mga menor de edad na isinasalin sa plastic bottle ang gasolina mula sa isang traysikel.

Nagresponde ang mga tanod at hinabol ang mga ito hanggang sa nahuli ang 15-anyos na binata na isa sa mga salarin.

Samantala, nakatakas naman ang isa na nakatakbo sa malayo.

Inirefer ang kaso sa Women and Children Protection Desk ng Kalibo PNP at kalaunan ay pinakawalan rin ang menor de edad.