41-anyos na laborer arestado matapos mahulihan ng baril sa isang sayawan

ARESTADO ang isang 41-anyos na lalaki matapos mahulian ng baril sa isang sayawan sa Brgy. Sugnod, Malinao.

Kinilala ni PLt. Gelbert Batiles, hepe ng Malinao PNP ang suspek na si Rino Millo, isang laborer at residente ng nasabing lugar.

Ayon kay Batiles, nakita nilang naka-upo sa isang stall si Millo na may nakasukbit na baril sa kanyang beywang

Kaagad inaresto ang nasabing lalaki matapos bigong magpakita ng kaukulang dokumento para sa pagdadala at pagmamay-ari ng baril.

Narekober sa suspek ang isang magnum revolver na baril na kargado ng limang mga bala.

Si Millo ay pansamantalang ikinustodiya sa lock-up cell ng Malinao PNP para sa karampatang disposisyon at mahaharap sa kasong paglabag sa RA 10591 o Comprehensive Firearms and Ammunition Regulation Act”.