45 ANYOS NA BABAE NAKITANG PATAY SA NABAS

Patay na ng matagpuan kahapon ang isang babae sa Purok 4, Brgy. Unidos, Nabas.

Nakilala ang biktimang si Myla Palomata at residente ng nasabing lugar.

Ayon kay PSsgt Melvin Alba ng Nabas PNP napag-alaman na ang biktima ay may problema sa pag-iisip.

Nakita nalang umano ang biktima ng isang magsasaka na si Rex De Jose, Brgy. Rizal, Nabas na nakahandusay sa daan at nakababa ang suot nitong pang ibaba.

Wala naman umanong nakitang sugat sa katawan ng biktima.

Isasailalim naman ngayon sa autopsy examination ang katawan ng biktima para malaman ang sanhi ng pagkamatay nito.