4O ANYOS NA LALAKI SINAKSAK, SUSPEK SUMUKO

Kalibo Aklan- Nagtamo ng sugat sa kaliwang dibdib ang isang 40 anyos na lalaki matapos masaksak kagabi sa Purok 2 C- Laserna St., Kalibo.

Ang biktima ay nakilalang si Erwin Delarosa 40 anyos, residente ng New Buswang, Kalibo, Aklan.

Base sa imbestigasyon ng Kalibo PNP, naglalakad ang biktima dakong 11:10 kagabi ng saksakin ito ng suspek na nakilalang si Johnrey Tornino 20 anyos at residente ng C. Laserna St., Kalibo.

Agad namang isinugod sa Aklan Provincial Hospital ang biktima.

Mabilis na tumakas ang suspek papuntang Aklan River pagkatapos ng insidente pero boluntaryo naman itong sumuko ngayong umaga kay Kagawad Kim Melgarejo ng Poblacion, Kalibo at sa ngayon ay nasa kustudiya na ng Kalibo PNP ag nasabing suspek.