5 ARESTADO DAHIL SA TONG ITS

Kalibo – Lima ang arestado dahil sa iligal na sugal mag-aalas 2:00 kaninang hapon sa Estancia, Kalibo.

Nakilala ang mga naarestong sina Danny Sarcos, 54 anyos ng Cipriano Road, Tigayon; Carlo Bacorro, 39 anyos ng Tigayon, Kalibo; Richard Zapico, 47 anyos ng Estancia, Kalibo; Arnel Masagnay, 41 anyos ng Tigayon, Kalibo; at Arnold Aligato, 37 anyos ng Estancia, Kalibo.

Base sa report ng Kalibo PNP, naispatan umano ang mga itong naglalaro ng Tong-its, habang nagsasagawa ng intel monitoring ang kanilang mga operatiba.

Kasunod nito, inaresto ang mga suspek at narekober ang 1 set ng baraha, at kabuuang P1,985.00 na pera, kasama pa 1 mesa, 3 upuan na ginamit umano nila sa pagsusugal.

Kaagad silang ikinustodiya sa presento ng Kalibo PNP habang inihahanda ang kasong paglabag sa PD 1602 o Anti-Illegal Gambling Law na isasampa laban sa kanila.

Tumanggi namang magbigay ng pahayag tungkol dito ang mga naarestong kalalakihan.