5 katao dinampot sa illegal na troso

Nadakip ng mga tauhan ng Nabas PNP ang limang katao dahil sa illegal possession at transportation ng mga troso sa Brgy Gibon, Nabas, Aklan.

Sasampahan ng kaukulang kaso ang mga nahuli na sina Minculado Carpio, Jr., 34 anyos, ng Bulwang, Numancia; Leander Ylanan, 58 anyos; Bob Francisco, 24 anyos; Harvie Jones Ylanan, 33 anyos ng Purok 4, C, Laserna St., Kalibo at Arnel Isuga, 40 anyos ng Brgy Tambuan, Malinao.

Planong ipuslit ng mga ito ang mga trosong nagkakahalaga ng Php 5,437 na karga ng kulay puting Bongo Masda nang mahuli ng mga kapulisan.

Pansamantalang ikinustodiya sa Nabas PNP station ang nasabing sasakyan na kinargahan ng mga troso at nakatakdang i-turn over sa opisina ng DENR.