56-anyos na lalaki sa Maayon, Capiz patay matapos mabaril ang sarili

Patay ang isang 56-anyos na lalaki matapos mabaril ang sarili habang naglilinis ng kaniyang baril sa West Villaflores, Maayon.

Kinilala sa ulat ng Maayon PNP ang biktima na si Harry Madahan.

Nagtamo ito ng malubhang sugat sa mukha.

Batay sa imbestigasyon ng kapulisan, nakita ng anak ang biktima na naglilinis ng kaniyang 12-guage shotgun nang bigla itong pumutok.

Isinugod pa sa ospital ang biktima pero dineklara itong dead on arrival.