65 ANYOS NA LALAKI, NA HIT AND RUN

Kalibo – Sugatan ang isang 65 anyos na lalaki matapos mabiktima ng hit and run sa Caano, Kalibo,alas 5:20 kaninang madaling araw.

Nakilala ang biktimang si Paquito Rete ng Barangay Briones, Kalibo.

Base sa inisyal na imbestigasyon ng pulis, naglalakad sa gitna ng madilim na kalsada ang biktima nang aksidenteng mabangga ng traysikel.

Resulta, nagtamo ng sugat at pinsala sa mukha, ulo at iba pang parte ng katawan ang biktima na kaagad namang dinala sa ospital ng mga taga MDRRMO Kalibo.

Samantala, kaagad umanong tumakas ang hindi nakilalang drayber ng traysikel matapos ang insidente sa halip na hintuan at tulungan ang biktima.

Lumalabas pa sa imbestigasyon na walang headlight ang nasabing traysikel.