78 ANYOS NA LALAKI NA PINANINIWALAANG NAGBIGTI, NATAGPUANG PATAY

Banga – Patay na nang matagpuan kaninang alas 7:00 nang umaga sa kanyang bahay ang isang 78 anyos na lalaki matapos umano nitong magbigti.

Ayon sa Banga PNP, mag-isa lamang sa buhay ang biktima at sa kabundukan pa ng Banga nanirahan.

Nasa mataas na bahagi din umano ng lugar ang pinaka kapitbahay nito na siyang nakatuklas sa kanya habang nakabitay sa balkon ng kanyang bahay, kung kaya’t pinaniniwalaan na 2 araw na ito doon.

Lumalabas pa sa imbestigasyon ng pulis na may iniindang hika ang biktima at hirap din umano ito sa buhay.

Kasalukuyan namang nasa isang punerarya ang mga labi ng biktima.

Wala naman umanong nakitang foul play ang kapulisan sa insidente.

𝗡𝗢𝗧𝗘:
Ang lahat ng problema ay may solusyon. Kung ikaw ay may problema at gusto mo ng kausap, tumawag lamang sa HOPE hotline ng DOH-Center for Health Development sa Western Visayas sa numero.
*1-800-10-333-8336
*0998-532-4047
*0917-775-9256
*0925-546-9919