AKLAN, MALAPIT NANG MAGKAROON NG SARILING COVID 19 TESTING LABORATORY

Malapit ng magkaroon ng sariling COVID 19 Testing Laboratory ang probinsya ng Aklan.

Ayon kay Aklan Gov. Florencio Miraflores, patuloy ngayon ang konstruksyon ng nasabing pasilidad.

Ito anya ang isa sa prayoridad ngayon ng gobyerno probinsyal para mas epektibo ang pag cater ng COVID 19.

Ayon pa sa gobernador na doon ilalagay sa ginagawa pang pasilidad ang biniling RT-PCR machine na nauna ng dumating sa probinsya at iba ang mga gamit na kinakailangan sa COVID testing.

Isinailalim na rin umano sa training ang mga frontliners na magma-manage ng nasabing laboratory para masiguro ang proteksyon ng bawat Aklanon.