Aklan PESU, nakapagtala ng 114 new cases, 114 new recoveries at 2 new deaths ngayong araw

Parehong nakapagtala ng record high sa bagong kaso at mga bagong gumaling sa CoViD-19 ang probinsya ng Aklan ngayong araw simula noong Lunes.

Sa ipinalabas na report ng Aklan Provincial Epidemiology and Surveillance Unit (PESU) ngayong gabi, 114 ang panibagong tinamaan ng CoViD-19 samantala 114 din ang mga gumaling, ibig sabihin hindi nadagdagan ang active cases sa probinsya at nasa 744 pa rin ito.

Ang mga bagong kaso ang nagmula sa kalibo-69, New Washington-9, Ibajay-8, Makato-8, Malay-8, Tangalan-4, Numancia-3, Buruanga-2, at tig-1 sa Altavas, Batan at Nabas.

Dalawa naman ang nadagdag sa mga namatay ngayong araw sa probinsya.

Sa kasalukuyan, may 4,531 total confirmed cases na ng CoViD-19 ang Aklan — 3,681 na dito ang mga naka recover at 106 na ang death toll.