AKLAN PESU, NAKARECORD NG 92 NEW CASES NG COVID-19′, BAYAN NG NEW WASHINGTON, NANGUNA SA MAY PINAKAMARAMING BAGONG KASO NG COVID-19 SA LOOB NG ISANG ARAW

Nakarecord ng 92 panibagong kaso ng CoViD-19 ang Aklan ngayong araw.

Sa inilabas na case bulletin ng Aklan Provincial Epidemiology and Surveillane Unit (PESU) ngayong gabi, record high sa unang pagkakataon ang bayan ng New Washington na may 34 na new cases ng CoViD-19.

Sumunod dito ang Ibajay-14, Kalibo-12, Makato-7, Numancia-7, Malay-6, Batan-4, Tangalan-3, Nabas-2, tig-1 sa Balete, Banga at Buruanga.

Sa ngayon nasa 3,735 na ang kumpirmadong kaso ng probinsya– 854 dito ang active cases kung saan 719 ang naka facility quarantine, 70 ang naka home quarantine at 65 ang admitted, 2,795 ang total recoveries matapos madagdagan ng 85 ngayong araw at 86 na ang namatay makaraang madagdagan din isa ngayong araw.