Ama at 3 menor de edad na anak naaksidente sa motor, tatay naka-ICU

Nagtamo ng malalang pinsala sa ulo ang isang tatay makaraang maaksidente sa sinasakyang motorsiklo sa Brgy. Tugas, Makato.

Kinilala ang biktimang si Sonny Pilar, 54 anyos na residente ng nabanggit na lugar.

Batay sa ulat, galing sa perya ang biktima kasama ang tatlo nitong menor de edad na mga anak nang maaksidente habang pauwi sa sakay ng motorsiklo.

Sinasabing kapwa walang ilaw ang motor na gamit ng mga biktima at ng nakabanggan nilang isa pang motor.

Tanging flashlight lang ang gamit ng mag-aama habang binabaybay ang daan pauwi.

Kasalukuyang naka-confine sa ICU ng Aklan Provincial Hospital si Pilar at ang tatlong taong gulang nitong anak habang ang dalawa pa nitong anak ay nagtamo ng mga gasgas sa katawan.