Apartment sa Kalibo tinangkang pasukin ng isang lalaki, huli sa CCTV

Kitang-kita sa cctv ang tangkang panloloob ng hindi pa nakikilalang lalaki sa isang apartment sa Sitio Libtong, Estancia, Kalibo.

Ayon sa may-ari ng apartment na si Joeriz Quinesio, alas-3 kaninang madaling araw nang makatanggap siya ng mensahe mula sa nakatira sa 2nd floor ng apartment na mayroong lalaki na nagtangkang manloob sa kanila.

Makikita sa CCTV na unang sinilip ng lalaking nakasuot ng tshirt at sumbrero ang bintana ng apartment ni Quinesio bago umakyat sa second floor kung saan natutulog ang isang sanggol at ang kanyang yaya.

Nagising ang yaya dahilan kaya nakita nito ang lalaking agad na tumakas palayo.

Wala naman umano itong natangay na anumang gamit.

Patuloy pang iniimbestigahan ng mga otoridad ang insidente. | via Kiervy Revesencio