APAT, TIKLO DAHIL SA ILEGAL NA SUGAL

Nabas – Tiklo ang apat ang dahil sa ilegal na sugal alas 4:30 kaninang hapon sa Gibon, Nabas.

Nakilala ang mga naarestong sina Teodoro Torejos Jr., 28 anyos, Ferdie Sinampan, 27 anyos, Mark Glen Geronimo, 30 anyos, at Romelito Sulat, 52 anyos, lahat residente ng nasabing lugar.

Sa ikinasang anti illegal gambling operation ng Nabas PNP, narekober din ang 1 set ng barahang ginamit umano ng mga suspek sa kanilang paglalaro ng Pusoy Uno, at kabuang P330.00 na kanilang pang pusta.

Kaagad silang dinala sa kustodiya ng Nabas PNP habang inihahanda ang kasong paglabag sa PD 1602 o Anti-Ilegal Gambling Law na isasampa laban sa kanila.

Ayon naman sa Nabas PNP, pawang mga mangingisda at fish vendor ang mga suspek na nagsusugal doon sa dalampasigan habang naghihintay umano ng mga huling isda.