Asaran ng dalawang lalaki, nauwi sa saksakan

Nauwi sa madugong insidente ang asaran ng dalawang lalaki sa isang lamay sa Sitio Jumpal, Barangay Jumarap, Banga, Aklan.

Confine ngayon sa ospital ang biktimang si Daryl Flores, 33-anyos nang biglang inundayan ng saksak sa tiyan ng suspek na si Rolan Zapico, 27-anyos at pawang residente ng nasabing lugar.

Batay sa inisyal na imbestigasyon ng Banga PNP, gabi bago nangyari ang insidente ay inaasar umano ng biktima ang suspek.

Posibleng napikon umano ang suspek kung kaya’t nang muling magkita sila sa naturang lamay ay bigla na lamang nitong sinaksak ang biktima.

Dahil dito, nagtamo ng tama sa kanang bahagi ng kaniyang tiyan ang biktima kung saan nagpapagaling pa ngayon sa ospital.

Kaagad naman naaresto ang suspek at nasa kustodiya na ngayon ng Banga PNP at sasampahan ng kasong Frustrated Homicide./SM